Results 1 to 5 of 5

Thread: हरियाणे की गर्म रागनी

Threaded View

Previous Post Previous Post   Next Post Next Post
  1. #1

    हरियाणे की गर्म रागनी

    रामफल और गुलाबो का वार्तालाप हरियाणवी रागनी में :
    (रामफल ने गुलाबो को propose किया था पहले )

    गुलाबो का क्या जवाब था सुनिए :
    मैं हुशन टॉप का ले रही सूं, तूं मेरे काबिल कोन्या,
    या कंचन काया सोने बरगी, तेरे खातिर कोन्या,
    तूं अनपढ़ हाली, भैंस का पाली, तन्नै फैशन का के बेरा,
    मैं मोडर्न छोरी, लचकै पोरी, मैं एटम बम का गोला,
    तेरे बरगे आशिक घणे फिरैं, मेरा सारे गाम मैं रोला I
    तूं नहीं माणस मेरी जोड़ी का मैं ढूँढू माणस क्लास्सी ,
    तन्नै खाँण पीण का सूहर नहीं, तूं पीवै दूध आर लास्सी I
    बीयर , वाइन, आर कम्पारी का तनै बिलकुल ज्ञान नहीं सै I
    डिस्को कल्चर, कैसिनो मैं तेरा बिलकुल ध्यान नहीं सै I
    तूं पाक्का माणस, गेहूं का छानस, तेरे हुए बाल भी धोले,
    मैं काच्चा छोरा टोहूँगी, जो एक डाट पै आगे-आगे होले I

    रामफल क्या कहता है, सुनिए :
    क्यों भरी घमंड मै फिरै गुलाबो, यो कुछ भी कोन्या तेरा,
    तेरी कंचन काया माटी हो ज्या, जब आवै काल का घेरा I
    आवै सुनामी पाणी भर ज्या, खेल बिगड़ ज्या सारा,
    जब आवै भूचाल तो धरती हालै, तन्नै चाहिए कोए सहारा
    कोठी बंगले खंडहर बण ज्यां ढह ज्यां महल अटारी,
    दौलत के अम्बार रहवैं ना सब की होज्या ढेरी I
    न्यूक्लिअर का प्रदूष्ण फ़ैल ज्या, मुश्किल हो ज्या जीणा
    तरह तरह के रोग फ़ैल ज्या, प्रदूषित पाणी पड़ ज्या पीणा
    जै तूं जल्दी सी हाँ कर दे तो, मै तेरे बाबू तैं बतलाऊ,
    खाप पंचायत तैं करूँ मशविरा, आग्गे बात बढ़ाऊं I
    देशी बाणा हुया पुराणा, पैरिस तैं अरमानी शूट मंगा ल्यूँगा,
    ओपियम का परफ्यूम लगा के सर के बाल रंगा ल्यूँगा I



  2. The Following 8 Users Say Thank You to singhvp For This Useful Post:

    deependra (December 9th, 2011), JSRana (December 9th, 2011), rana1 (December 9th, 2011), ravinderjeet (December 9th, 2011), sjakhars (December 9th, 2011), Sure (December 23rd, 2011), tasvir7 (December 9th, 2011), vishalsunsunwal (December 9th, 2011)

Posting Permissions

  • You may not post new threads
  • You may not post replies
  • You may not post attachments
  • You may not edit your posts
  •