sejwaldeepak
March 11th, 2006, 02:32 PM
Har Taraf Rang Gulal Hai,
Mera Desh Lahoo Se Laal Hai!
Kahin khel rahe rangon ki holi,
Kahin khoon ki holi hoti hai!
Kahin bheeg rahi gori ki choli,
Kahin maa kisi ki roti hai!
Kahin pichkari se rang chale,
Kahin chale bandook ki goli hai!
Har Taraf Rang Gulal Hai,
Mera Desh Lahoo Se Laal Hai!
Kahin rang gulal laga chehre per,
Kahin maang kisi ki suni hai!
Kahin mele lage hue logon ke,
Kahin door-talak veerane hain!
Kahin ghar-ghar mein mehfil saj rahi,
Kahin barson ki tanhai hai!
Har Taraf Rang Gulal Hai,
Mera Desh Lahoo Se Laal Hai!
Kahin chehak rahi phagun mein gori,
Kahin loot rahi aabaroo hai!
Kahin maaen dulaar rahi lalon ko,
Kahin laal yateem-anath hain!
Kahin kar rahe raksha desh ki veer,
Kahin ghar-ghar mein chal rahe hain teer!
Har Taraf Rang Gulal Hai,
Mera Desh Lahoo Se Laal Hai!
Kahin baras rahi mithi fuhaar,
Kahin aag hi aag nazar aati hai!
Kahin dekh saputon ke kartoot,
Meri dharti maa bhi roti hai!
Ab jaag bhi jao sone waalon,
Mere desh pe musibat aayi hai!
Har Taraf Rang Gulal Hai,
Mera Desh Lahoo Se Laal Hai!
Mera Desh Lahoo Se Laal Hai!
Kahin khel rahe rangon ki holi,
Kahin khoon ki holi hoti hai!
Kahin bheeg rahi gori ki choli,
Kahin maa kisi ki roti hai!
Kahin pichkari se rang chale,
Kahin chale bandook ki goli hai!
Har Taraf Rang Gulal Hai,
Mera Desh Lahoo Se Laal Hai!
Kahin rang gulal laga chehre per,
Kahin maang kisi ki suni hai!
Kahin mele lage hue logon ke,
Kahin door-talak veerane hain!
Kahin ghar-ghar mein mehfil saj rahi,
Kahin barson ki tanhai hai!
Har Taraf Rang Gulal Hai,
Mera Desh Lahoo Se Laal Hai!
Kahin chehak rahi phagun mein gori,
Kahin loot rahi aabaroo hai!
Kahin maaen dulaar rahi lalon ko,
Kahin laal yateem-anath hain!
Kahin kar rahe raksha desh ki veer,
Kahin ghar-ghar mein chal rahe hain teer!
Har Taraf Rang Gulal Hai,
Mera Desh Lahoo Se Laal Hai!
Kahin baras rahi mithi fuhaar,
Kahin aag hi aag nazar aati hai!
Kahin dekh saputon ke kartoot,
Meri dharti maa bhi roti hai!
Ab jaag bhi jao sone waalon,
Mere desh pe musibat aayi hai!
Har Taraf Rang Gulal Hai,
Mera Desh Lahoo Se Laal Hai!