PDA

View Full Version : Rajasthan Kee Sarkaar Ke Teen Saal



netrapalsingh
October 31st, 2006, 11:54 AM
Rajasthan me samasya kuch aisee hai jiska hal kisi bhee sarkaar ke
paas nahi hai siva aswasno ke. Mukhya samasya hai bijli kee rajasthan me
adhiktar kheti barasat par nirbhar hai, kuno (well) kee badhtee sankhya
ke karan paanee jameen me neeche jaa raha hai or bijli kisano ko
poori n milne ke kaaran paidavar kam ho rahi hai or agar mousam kee
kripa se bajara, sarso jaise fasal agar jyada ho to government ko
uskee uchit kimat dene ke liye koi plan n pahale tha na ab hai

Rajasthan kee CM Vasundhra ek rajgharane kee mahila thee or BJP
ke paas Bhero Singh Shekhawat ke bad aisa koi bhee neta nahi tha
jo party ko ek rakh sake, is liye majboori vash vasundhar raje
sindihiya ko ek damee ke roop me CM banaya gya.
BJP ne rajasthan me poorn bahoomat ke
saath apnee sarkaar banayee the is liye vasundhara sarkar teen saal
pakad gayee. parantu in teen salo me vasundhara n to apne mantri
mandal ke sadasyo par or n hee party alakamano par apnee pakad
kayam rakh sakee. party me jagah jagah vidhroh hone lage jaise
surendera singh rathod ne vidhroh kiya vasundhra ne oosko manane
kee kafii koshish kee parantu kamyab nahee ho sakee, ghanshyam das
tiwari jo sabse bade or puurane neta hai BJP me unkaa bhee vasundhara
see chhatis kaa akaada raha hai. fir jat pratinidhi pahali baar BJP sarkar
me vasundhara sarkar me jyada mantri bane jisse Rajpoot lobee bhee
vasundhara se khafa hai.

Bhartpur me ek mele me tanki dhane se kuch logo mrutu or kai logo
ke ghayal hone ka vivad, Ghadsana Kand, Dara Singh Kand
jagah jagah par kissan andolan, sikshak andolan kramchari andolan
kahi par bhee or kisi baat kaa vasundhar ke paas santosh janak
jawab n pahale tha na ab hai.

Vasundhara Sarkar kee sabse badi veefalta hai Ghadsana kand Ghadsana ka
mamla ek nahar ke pani ke batware ka mamla hai jo pichle teen salo
se chal raha hai parantu vasundhra sarkar ab tak isko nahi suljha sakee
or abhee tak teen baar kissano or police ke beech tlathi bhata jung ho
chuka hai, pahale kissano ne ugr ho kar police ko mara jo vasundhara
kee daman karee niti kaa parinam tha vasundhara ne sare jat virodhi
afsar waha niyukt kar diye kissan netao ko jelo me band kar diya jisse
kisano ko sambhalne wala koi nahi tha or kissano ne belagam ho kar
afsaro ko peeta or kai police karmiyo ko bandi banaliya fir kuch din
ke baad police ne apnee bokhlahat nirdosh kissan ke bacho or mahilao
or nirdosh logo par ootaree raat ko sote samay gharo se nikal nikal kar peeta or
goli chalaayee jisse ek kissan Chand Ram Jat kee mot ho gayee
isse kissan or bhee ugr ho gaye or chand ram ke shav kaa abhee tak bhee antim sanskar nahi ho ska.

ye saree ghatanye vasundhare ko katghare me laa kar khada kar saktee
hai abhi kuch din pahale ek gunde kaa police ne encounter kiya "DARA SINGH" ye sahi hai wo ek gunda tha parantu jiss prakar uska encounter dikhya gaya wo sandhigth tha ek rajpoot mantri ke ishare
par kari gayee hatya thee wo jsse jat neta naraj hogaye or unhone
andolan kara or 2 din tak uske shav ko churu jile rajgad sahar me
rakhkar rajaram meel ke netratv me andolan kiya.

kya ye vasundhara sarkaar kee anubhav heentaa nahi hai yaa vasundhar
kee problomo ko usee ke hitesheee lamba karke vasundhara kee image ko girana chahte hai

netra