एक बर नत्थू अर सुरजा खाली बैठे थे / नत्थू का काम तेल बेच्चण का था अर सुरजा गुड का काम करया करदा / सुरजा नत्थू तैं बोल्या -- यार , तू मेरा गाहक बणकै आ , इस तरियां अपणा टेम पास हो ज्यागा / नत्थू गाहक बणकै आग्याअर बोल्या - - सेठ एक बोतल गुड दिए / सुरजा उसनै समझाते होए बोल्या -- रै बावली तरेड , गुड नप कै नहीं तुल कै आवै सै , जा दुबारा ठीक ढंग तै आ / नत्थू मुच्छां पै हाथ फेरता दुबारा आग्या अर सुरजे तै बोल्या --ल्या सेठ , एक किलो गुड दे दे बोतल मैं /सुरजे नै आया गुस्सा अर बोल्या --- रै खसम तू इस सुसरी बोतल नै छोड़ कोनी सकै के ?ले इब तू मेरी दूकान मै आकै बैठ अर मैं तनै आकै बताऊँ सूं के गुड का गाहक क्यूकर बणया करै / सुरजा अपणे pet पै हाथ फेरदा आया अर बोल्या --एक किलो गुड दिए ताऊ /नत्थू नै झट बुज्झी -- बोतल ल्याया सै के ?