Page 1 of 4 1 2 3 4 LastLast
Results 1 to 20 of 66

Thread: mahaare desi jattu khel

  1. #1

    mahaare desi jattu khel

    मन्ने खेल आले तागे में आपने देशी खेल जिन्न ने खेल-खेल के हाम बड्डे होए किते जीकर कोन्या पाया | खेल भी किसे कौम /देश की पिछान हों सें | इस तागे में जो खेल हामने खेले सें वे पुरे नियम की गेल अर क्यूकर खेल्या जाया करे उसकी पूरी विधि की गेल छापूंगा | और कोए भी छापना चाहवे उनका सुवागत स ,पर जो भी छाप्पो तो पूरी जानकारी की गेल छाप्पो न्यू नहीं अक हाम भी एक इसा सा खेल खेल्या करदे इब्ब कोणी बेरा | जा में गाम में गया तो उड़े तें में फोटू भी ल्या कें ने छापूंगा खेल खेल्दे बालकां के | ना ते कोए भी लिंक दे के ने छाप सके स |तो पहला देशी जट्टू खेल प्रस्तुत स :-



    लाभ्भ्क लितरा
    खेल का नाम -- लाब्भ्ना का मतलब से प्राप्त करणा या टोहना ,लितरा =टूटे फूटे जूते चप्पल ने कह दिया करें |
    खेल का सामान --- एक चार या पांच मीटर की जेवड़ी , एक खूंटा ,के :झाँखी का गज के:कोए रूंख जिह के जेवड़ी बाँधी जा सके , अर जो भी पायां में पहर रया हो वे लितरे|
    खेल का परकार :- यु खेल एक तरफ़ा खेलहो स जिह में एक के काण दिया करें | अर बाकी उसके विरुद्ध खेल्या करें |
    काण ------ कोए भी काण देवन आली कविता कह के ने काण दिया करदे ज्युकर --आदया पादया किः ने पादया चूं चां चुप | हर शब्द पे एक जणा बहार हो जांदा अर जो आखिर में बच जांदा उह ने फेर काण दी जाया करे |(काण =जिह ने बाकी सारे खिलाने हों ,जुकर लूकम-लुकाँ(आइस-बाईस )में एक जणा टोहया करे )
    बखत --- यु खेल गर्मियां में किस्से रुंख तले या गाल में जित छांह हो उड़े खेल्या करदे |
    नेम (नियम )-- जिह बालक के काण आज्या वो जेवड़ी का एक ओड खूंटे /रूंख /गज के बाँध देवेगा अर दुसरा छोर आप पकड़ के ने खड्या हो जा गा | घनखरे जेवड़ी ने माडा सा लपेटा दे राख्या करें ज्युकर पायां में ना उलझे अर विरोधी ने न्यू कोणी बेरा पाटे अक जेवड़ी कितनी लांबी ताहि जा गी | सारे जाणे चारुं ओड खड़े हो ज्यां गे अर लितरे ठावन की कोशिश करेंगे | जा एक भी चप्पल जूती किस्से के ठा जा तो उस चप्पल जुती ने भी बगा-बग़ा के चप्पलआँ के मार्या करें दूर तें जुकर और चप्पल जूती बाहर लिक्डावें, के खींड जावें ,अर जिह के जिन्नी ठा जा वो आपने धोरे राखेगा | जा चप्पल जूती मारदी हान बिचाले जा पड़े तो वा उड़े-ए पड़ी रह्वेगी इतने पहलम की ढाल उहने ठा ना लें |जेवड़ी आला बालक जो भी उह के लोवे लागेगा लितर ठावन खातर उस्से की गेल भाजेगा | बिना जेवड़ी छोडें जा वो किस्से के हाथ ला दे गा तो फेर काण उह के आज्या गी जिह के हाथ लाया स | ना ते जा आखरी चप्पल उठ जा ऐ जिब ताहि उहने किस्से के हाथ कोणी लाया ते फेर उहने आखरी चप्पल उठदे-ए धांही ताहीं भाजना स | अर जिह के जितने लितर हाथ में सें वो उह के बग़ा-बग़ा के मारेगा | धांही के हाथ लागे पाछे उह के नि मार सकदे अर हाथ में ले कें ने भी नि मार सकदे केवल बग़ा के ने मारने हों सें अर ना कोए उह की धांही ताहीं की भाजन की राह में अड़ के खडा हो सकदा अर ना सामी तें मार सकदा गेल तें-ए मारने हों सें |अर फेर उसने फेर जेवड़ी पकड़ के ने खड्या होना पडेगा दूसरी पारी खातर इतने वो बालक उस काण ने दुसरे ताहि हाथ ला के ने नि दे लेन्दा |
    :rockwhen you found a key to success,some ideot change the lock,*******BREAK THE DOOR.
    हक़ मांगने से नहीं मिलता , छिना जाता हे |
    अहिंसा कमजोरों का हथियार हे |
    पगड़ी संभाल जट्टा |
    मौत नु आंगालियाँ पे नचांदे , ते आपां जाट कुहांदे |

  2. The Following 9 Users Say Thank You to ravinderjeet For This Useful Post:

    amankadian (July 27th, 2014), anilrana (August 10th, 2012), kuldeeppunia25 (August 7th, 2011), Moar (August 16th, 2011), rajpaldular (June 21st, 2013), rameshlakra (August 31st, 2011), sanjeev1984 (April 22nd, 2013), sukhbirhooda (January 29th, 2013), VirJ (August 8th, 2011)

  3. #2
    Humbe balak chappala k kam marya karte arr kaan aale ki taang faltoo sekya karte.....hahaha....arr jiski pahli kaan aaja uski te samajh le sooj gi taang.
    The word "EQUAL" has no meaning in human life

  4. The Following 4 Users Say Thank You to akshaymalik84 For This Useful Post:

    anilrana (August 10th, 2012), rajpaldular (June 21st, 2013), sanjeev1984 (April 22nd, 2013), sukhbirhooda (January 29th, 2013)

  5. #3
    काटम काट कुहाड़ीया
    खेल का नाम -- इह खेल का नाम काटम काट कुहाड़ीया ज्यां तें पड्या होगा एक टीम निशान बनावे अर दूसरी उह ने काट के जावे |
    खेल का सामान --- बत्ती (स्लेटी ) निशान लावन खातर |
    खेल का परकार :- इह खेल में दो जत्थे (टीम )होया करें | कम तें कम दो बन्दे एक ओड ने होणे चाहिए |
    काण ------ कोए भी काण देवन आली कविता कह के ने काण दिया करदे ज्युकर --आदया पादया किः ने पादया चूं चां चुप | हर शब्द पे एक जणा बहार हो जांदा अर जो आखिर में बच जांदा उह ने फेर काण दी जाया करे |(काण =जिह ने बाकी सारे खिलाने हों ,जुकर लूकम-लुकाँ(आइस-बाईस )में एक जणा टोहया करे )
    बखत --- यु खेल गर्मियां में किस्से घेर में या गाल में जित छांह हो उड़े खेल्या करदे |
    नेम (नियम )-- हर टीम ,एक दुसरे तें लुक के ने आपने आपने इलाके में निशान लावेंगे | निशान खड़े डंडयाँ के रूप में हों सें ज्युकर ||||||||||||(१००)इन् ने "काटे" कह्या करें | जित भी १०० डंडे होज्यांगे उड़े-अ १०० लिखना हो स | फेर गिंनती करण में आसानी हो ज्या स | दोनु टीम आपणा-अपणा लिख लेन्गे जिब्बे कोए सी भी टीम पहलम रुक्का मार दे गी "काटम काट कुहाड़ीया "|रुका मार्दे-ए लिखना रुक जा गा | अर जिह ने पहलम रुका मार्या स वो टीम पहलम दुसरे आले के काटे टोहन जावेंगे उनके इलाके में | मान लिया दुसरे आले के १०,००० काटे टोह लिए अर फेर पह्ल्डी टीम ने हार मान ली तो दूसरी टीम उनके बचे होए जो पहल्डी टीम टोह ना सकी इस्से दो हजार काटे बता दे स | तो दूसरी टीम धोरे दो हजार नमबर बच्गे | इब्ब दूसरी टीम पहलाड़ी के इलाके में टोहन जावे स | दूसरी ने उनके १२००० काटे टोह लिए | अर फेर और कोणी टोह सके तो हार मान ली |जो टीम जितने काटे टोहवेगी उन् पे क्रोस मार दे गी ताकि दूसरी पारी में वे ना गिने जावें | इब्ब पहलाड़ी टीम के काटे जो दूसरी टीम टोह ना सकी वे वे मिले ८०० |१०० नम्बर का एक लिंडा मान्या जा स | दूसरी टीम के २००० नमबर में तें पहलाड़ी टीम के ८०० नंबर घटा के ने १२०० नबर बच गे | जो की १२ लिंडयाँ की बराबर हो गे | इब्ब पहल्डी टीम के दूसरी टीम ने बारा लिंडे दे दिए | फेर न्यू-ए दूसरी पारी सुरु हो जा गी | अर फेर जब उस दिन का खेल ख़तम होवेगा जब जिह कानी लिंडे बच ज्यां गे वा टीम हारी मानी जा गी उतने लिंडयाँ तें |
    :rockwhen you found a key to success,some ideot change the lock,*******BREAK THE DOOR.
    हक़ मांगने से नहीं मिलता , छिना जाता हे |
    अहिंसा कमजोरों का हथियार हे |
    पगड़ी संभाल जट्टा |
    मौत नु आंगालियाँ पे नचांदे , ते आपां जाट कुहांदे |

  6. The Following 7 Users Say Thank You to ravinderjeet For This Useful Post:

    anilrana (August 10th, 2012), malikdeepak1 (August 10th, 2011), Moar (August 16th, 2011), rajpaldular (June 21st, 2013), rameshlakra (August 31st, 2011), sukhbirhooda (January 29th, 2013), VirJ (August 8th, 2011)

  7. #4
    सांवलिया डंडा /"काईं-डंका"
    खेल का नाम -- इह खेल का नाम सांवलिया डंडा क्यूँ पड्या बेरा कोणी ,पर इह में एक डंडा बर्त्या जा स केरा ज्यां तें |
    खेल का सामान --- एक दो फूट का डंडा अर एक रूंख ,बड़ क: फेर पीपल का |
    खेल का परकार :- इह खेल में एक के काण आवेगी ज्युकर और एक तरफ़ा खेलाँ में आया करे अर दूसरी ओड ने बाकी कितने भी बालक हो सकें सें |
    काण ------ कोए भी काण देवन आली कविता कह के ने काण दिया करदे ज्युकर --आदया पादया किः ने पादया चूं चां चुप | हर शब्द पे एक जणा बहार हो जांदा अर जो आखिर में बच जांदा उह ने फेर काण दी जाया करे |(काण =जिह ने बाकी सारे खिलाने हों ,जुकर लूकम-लुकाँ(आइस-बाईस )में एक जणा टोहया करे )
    बखत --- यु खेल गर्मियां में किस्से बड़ के या पीपल के रूंख पे खेल्या करदे |
    नेम (नियम )-- जिह के काण आज्या वो रूंख के तले खड्या हो जा गा ,अर बाकी रूंख के तंने धोरे खड़े हो ज्यांगे |एक जंना जो सब तें दूर उह सान्वलिये डंडे ने फेंक सके स ,उह ताहि यु काम दिया जा गा | डंडा टांग के तले के बगाना पडेगा | डंडा बगायें पाछे -ए बालक रूंख पे चढ़ सके सें उह तें पहलम नि |जिह के काण आ री स वो भाज के उह डंडे नु ठा कें ने लावेगा अर पहलम तें-ए पक्की करी होड़ थां पे उह ने धर दे गा | जितना कसके भाज कें वो लावेगा उतना तावला वो रूंख पे चढ़ दे बालकां नु पकड़ सके स |एक बे बालक उप्पर चढ़ गे | तो फेर काण आला बालक नु के ते उप्पर चढ़ना पडेगा | रूंख पे चढ़े होड़ बालक पुन्गियाँ मां के कूद के डंडे ने टांग तले के चूम लेन्गे तो उससे बालक के फेर काण आज्या गी | के वो उन् ने रोके अर किस्से भी बालक के चाहे वो रूंख के उप्पर अर चाहे तले कित्ते भी ठा जा, हाथ लाँना स ,डंडा चूम्मन तें पहलम | जिह के हाथ ला दिया फेर काण उह के आज्या गी |
    Last edited by ravinderjeet; August 6th, 2011 at 07:01 PM.
    :rockwhen you found a key to success,some ideot change the lock,*******BREAK THE DOOR.
    हक़ मांगने से नहीं मिलता , छिना जाता हे |
    अहिंसा कमजोरों का हथियार हे |
    पगड़ी संभाल जट्टा |
    मौत नु आंगालियाँ पे नचांदे , ते आपां जाट कुहांदे |

  8. The Following 6 Users Say Thank You to ravinderjeet For This Useful Post:

    anilrana (August 10th, 2012), malikdeepak1 (August 10th, 2011), Moar (August 16th, 2011), rajpaldular (June 21st, 2013), sukhbirhooda (January 29th, 2013), VirJ (August 8th, 2011)

  9. #5
    Quote Originally Posted by ravinderjeet View Post
    सांवलिया डंडा
    |
    हम "काईं-डंका" कहया करते इहने

  10. The Following 2 Users Say Thank You to malikdeepak1 For This Useful Post:

    rajpaldular (June 21st, 2013), sukhbirhooda (January 29th, 2013)

  11. #6
    सांवलिया डंडा /"काईं-डंका"

    भाई साब हम इसने ''डंडा ढुक'' कह्या करदे

    लाभ्भ्क लितरा
    अर इसने ''हुकि'' कह्या करदे
    चालना राही का, चाहे फेर क्यूं ना हो । बैठना भाइयाँ का, चाहे बैर क्यूं ना हो ।।




  12. The Following 3 Users Say Thank You to kuldeeppunia25 For This Useful Post:

    rajpaldular (June 21st, 2013), sukhbirhooda (January 29th, 2013), VirJ (August 8th, 2011)

  13. #7
    कोल्डा छुपाकी
    खेल का नाम -- इह खेल का नाम कोल्ड़े( लुगडी लपेट के बनाया होया) के कारण पड्या स |
    खेल का सामान --- एक लुगडी का कोल्डा |
    खेल का परकार :- इह खेल में एक के काण आवेगी ज्युकर और एक तरफ़ा खेलाँ में आया करे अर दूसरी ओड ने बाकी कितने भी बालक हो सकें सें जो गोल्दारा बना के ने बैठ जाँ गे |
    काण ------ कोए भी काण देवन आली कविता कह के ने काण दिया करदे ज्युकर --आदया पादया किः ने पादया चूं चां चुप | हर शब्द पे एक जणा बहार हो जांदा अर जो आखिर में बच जांदा उह ने फेर काण दी जाया करे |(काण =जिह ने बाकी सारे खिलाने हों ,जुकर लूकम-लुकाँ(आइस-बाईस )में एक जणा टोहया करे )
    बखत --- यु खेल गर्मियां में के: जाड्डयाँ में सांझ सी के खेल्या करदे माड़ा झाल-भोला होयें पाछे |
    नेम (नियम )-- जिह के काण आज्या वो न्यू कहंदा बाल्कां के गोल्दारे का चक्कर काट्दा ("कोल्डा छुपाकी जिम्मे रात स ,जिह धोरे पाग्या उह की श्यात स ") | चक्कर काट्दें-काट्दें वो (जिह के काण आरी स वो ) किस्से भी बालक के गेल ने कोल्डा लपेट के ने सहज सी ने धर जा गा | किस्से भी बालक का गेल ने देखना मना स | जा किस्से बालक ने दुसरे ताहि इशारा भी कर दिया अक तेरे गेल ने कोल्डा स तो बतानिये के भी काण आई मानी जा गी | इब्ब जिह बालक की गेल ने कोल्डा गेरा स, के तो वो अंदाज ला कें ,अर कोल्डा ठा के ने ,उह काण आले के कोल्डा मारे ,जा काण आले के एक चक्कर तें पहलम उह ने कोल्डा मार दिया तो काण पह्ल्ड़े के-ए रह जा गी |अर जा जिह के पाछे कोल्डा गेरा स ,उह ने बेरा कोणी पाट्टया ,अक उह की गेल ने कोल्डा पड्या स ,तो चक्कर पूरा होंदे-ए काण आला कोल्डा ठा के ने उह के कोल्ड़े मारे गा एक चक्कर काटन ताहि, अर फेर कोल्डा नए बालक ने दे के ने, उह की थां बैठ जा गा | ना ते काण आला उह की ठा आ के ने बैठ जा गा भाज के ने |बेठे पाछे उह के कोल्डा नि मार्य़ा जा सकदा | तो काण उह बालक के आजा गी जो कोल्डा पहलाड़े के बेठान्न तें पहलम मार कोणी सका |यु खेल न्यू-ए चालीं जा गा, इतने वार ना हो जा ,अर घरके रुक्के ना मारण लाग्ज्या ,के फेर बाल्कां की झीखन के कारण लड़ाई ना हो जा |
    :rockwhen you found a key to success,some ideot change the lock,*******BREAK THE DOOR.
    हक़ मांगने से नहीं मिलता , छिना जाता हे |
    अहिंसा कमजोरों का हथियार हे |
    पगड़ी संभाल जट्टा |
    मौत नु आंगालियाँ पे नचांदे , ते आपां जाट कुहांदे |

  14. The Following 8 Users Say Thank You to ravinderjeet For This Useful Post:

    anilrana (August 10th, 2012), kuldeeppunia25 (August 8th, 2011), malikdeepak1 (August 10th, 2011), Moar (August 16th, 2011), rajpaldular (June 21st, 2013), reenu (September 27th, 2012), sukhbirhooda (January 29th, 2013), VirJ (August 8th, 2011)

  15. #8
    एक खेल होया करता कोढ़ा चयारी. थोडा थोडा लूडो की तरियां. बहोत साल हो गये खेले. चार मटके की ठेकरी फोड़ के खेला करदे. चारों एक डब पडजा तो ४ दूसरी डब आठ. किसे ने पूरा याद हो तो लिखियो भाई. एक दुसरे की गोटी (जो हाम भाठे की बनाया करदे) फोडनी होया करदी
    Last edited by VirJ; August 8th, 2011 at 05:18 AM.
    जागरूक ती अज्ञानी नहीं बनाया जा सके, स्वाभिमानी का अपमान नहीं करा जा सके , निडर ती दबाया नहीं जा सके भाई नुए सामाजिक क्रांति एक बार आ जे तो उसती बदला नहीं जा सके ---ज्याणी जाट।

    दोस्त हो या दुश्मन, जाट दोनुआ ने १०० साल ताईं याद राखा करे

  16. The Following 3 Users Say Thank You to VirJ For This Useful Post:

    rajpaldular (June 21st, 2013), rameshlakra (August 31st, 2011), sukhbirhooda (January 29th, 2013)

  17. #9
    Quote Originally Posted by ravinderjeet View Post
    कोल्डा छुपाकी
    हाँ रविंदर भाई बहोत खेला करदे यो भी

    हम नु कया करदे "कोल्डा छुपाकी जिम्मे रात आई रे , जेडा आगे पीछे देखे उकी शयामत आई रे "

    बेरी सारे खेल याद कर रहा हे. भाई बहोत बढ़िया लगा भाई सारी बालकपन की याद दुआ दी.
    Last edited by VirJ; August 8th, 2011 at 06:18 AM.
    जागरूक ती अज्ञानी नहीं बनाया जा सके, स्वाभिमानी का अपमान नहीं करा जा सके , निडर ती दबाया नहीं जा सके भाई नुए सामाजिक क्रांति एक बार आ जे तो उसती बदला नहीं जा सके ---ज्याणी जाट।

    दोस्त हो या दुश्मन, जाट दोनुआ ने १०० साल ताईं याद राखा करे

  18. The Following 5 Users Say Thank You to VirJ For This Useful Post:

    anilrana (August 10th, 2012), rajpaldular (June 21st, 2013), ravinderjeet (August 9th, 2011), reenu (September 27th, 2012), sukhbirhooda (January 29th, 2013)

  19. #10
    फीटू
    खेल का नाम --इह खेल का नाम फीटू की के कारण स कोणी बेरा |
    खेल का सामान ---एक गिंडू (गेंद ) अर सात ठीकरे ,तरला बड्डा अर बाकी डिसेन्डिंग ऑर्डर में छोटे धरे जांगे उपरा तली |
    खेल का परकार :-इह खेल में दो जत्थे (टीम )बनें गे | दोनु जत्थयाँ में तें एक-एक कप्तान चुन्या जा गा टीम का अर दोनु ओड़ ने आधे आधे खिलाड़ी होंगे |
    काण ------कोए भी काण देवन आली कविता कह के ने काण दिया करदे ज्युकर --आदया पादया किः ने पादया चूं चां चुप | दोनु कप्तान में -ए काण का फेसला होगा | जिह जत्थे के काण आवेगी वो क्षऐतर (फील्डिंग) रक्षअण करेगा |अर दुसरा जत्था गिंडू तें फीटू फोड़ेगा |
    बखत --- यु खेल साबत साल खेला जाया करदा किस्से भी बखत बस माड़ा सा खुला मैदान होना चाहिए |
    नेम (नियम )--जिह जत्थे के काण आरी स वो चारुं ओड खड़े हो जांगे फीटू के अर उन् तें माड़ी सी पाछे दूसरी टीम आले खड़े हो जांगे फी टू के चारुं ओड |दूसरी टीम का एक सदस्य गिंडू मारेगा फितू के एक नीशान पे खड्या हो के ने | यु नीशान पहलम-ए पक्का कर दिया जा स १०-१२ फूट दूर |एक सदस्य ने पांच बे मोका मिलेगा फीटू फोडन का ,जा उह पे ना फुत्त्या तो उह की-ए टीम का दुसरा सदस्य आवेगा फीटू नु फोडन |जब भी जिह सदस्य धोरे फीटू फूट जा गा तो काण आली टीम गिंडू ठा के फोडन आली टीम के किस्से भी सदस्य के गिंडू मारेगी ,जा लाग गया तो उनके काण आज्या गी | अर जा किस्से के भी गिंडू लागण तें पहलम पहलाड़ी टीम फीटू ने फेर उस्से ऑर्डर तें धर दे गी तो काण आली टीम के -ए काण रह जा गी अर एक लिंडा चढ़ जा गा |न्यू -ए दूसरी पारी खेली जा गी |
    :rockwhen you found a key to success,some ideot change the lock,*******BREAK THE DOOR.
    हक़ मांगने से नहीं मिलता , छिना जाता हे |
    अहिंसा कमजोरों का हथियार हे |
    पगड़ी संभाल जट्टा |
    मौत नु आंगालियाँ पे नचांदे , ते आपां जाट कुहांदे |

  20. The Following 5 Users Say Thank You to ravinderjeet For This Useful Post:

    malikdeepak1 (August 10th, 2011), Moar (August 16th, 2011), rajpaldular (June 21st, 2013), reenu (September 27th, 2012), sukhbirhooda (January 29th, 2013)

  21. #11
    अंटे
    खेल का नाम --इह खेल का नाम अंटयाँ के कारण पड्या स किते-किते इन् ने बंटे अर क: फेर कंचे भी कह दिया करें |
    खेल का सामान ---
    इह में एक तें घणे खेलानिये बालक होने चाहियें ,अर हर एक धोरे कम तें तें कम एक अंटा होना चाहिए अर धरती में एक पिल्ला (छोटा सा खडा ) भी खोदना पडेगा |
    खेल का परकार :-
    यु खेल वय्क्तिपरक(इनडवीजुअल ) हो स ,सब आपणे -आपणे खातर खेल्या करें अंटे जित्तन खातर |
    काण ------
    इह में किस्से के भी काण कोणी आया करे |
    बखत ---
    यु खेल साबत साल खेला जाया करदा किस्से भी बखत |
    नेम (नियम )--
    पिल्लै तें एक फूट दूर एक सत्तर (लाइन )मारी जा गा | समझो अक पांच जाने खेलानिये सें ,तो पलम चाल किः की होगी यु फेंसला करण खातर सारे जाणे आपणा-आपणा एक अंटा चालेंगे | समझो एक जाणे का पिल्लै में चाल्या गया ते उह की पहली बारी आवेगी अर जिह का जितना दूर पड्या उह की उतनी पाछे बारी आवेगी | चाल चालानिये के हाथ में पांच अंटे सें तो मान ल्यो एक अंटा या दो अंटे पिल्लै में जा पड़े | वे तो उसके पक्के माने जंगे जित्ते होड़ | अर फेर कोए भी अंटे के एक मोटले अंटे तें मारण की कहवेंगे | जित घणे सघन अंटे पड़े होंगे अर जो अंटे कती लव होंगे उन् ने बतावेंगे | जा उह का अंटा बताये होड़ अंटे के जा लाग्या अर दोनु अंटे मोटला अंटा अर जिह के मार्या स वो किस्से ओर अंटे के कोणी लागे तो वो सारे अंटे जित जा गा | अर जा वो मोटला अंटा बताये होड़ अंटे के कोणी लाग्या अर और किस्से अंटे के भी कोणी लाग्या तो केवल पिल्लै में पड़े होड़ दो या एक अंटा जो भी स वो-ए उह ने मिलेगा | अर जा उह का मोटला अंटा किस्से और अंटे के जा लाग्या अर जिह बताये होड़ अंटे के मार्या वो भी दोनुआ में तें कोए भी अंटा किस्से और अंटे के जा लागे तो उह ने कोए भी अंटा कोणी मिले अर दंड के रूप में जितने भी अंटे पिल्लै में पड़े सें उतने अंटे भरने पड़ेंगे |अर जा पिल्लै में एक भी अंटा कोणी गया तो उहने मोटला अंटा मारण का चांस कोणी मिले ,आगले खिलाड़ी ने पास हो जा गा | जब अंटे की चाली( अंटे बागान की किरिया पिल्लै कानी ) दी जा स ,उह में जो अंटे उह सतर तें आगे जा के पड़ेंगे, उन् ने-ए प्रतियोगिता में गिना जा गा या वे-ए जीते जा सकें गे | सतर तें पाछले अंटे आगली चाल खातर पहलम-ए सुराक्षइत हो जाँ सें |चाली भी पहलम-ए पिल्लै तें लगभग आठ या दस फूट दूर लकीर खींच के ने मानी जा स | नु-ए फेर दुसरे का अर फेर तीसरे जाणे का नंबर आवेगा | हाम ढींध्रयाँ (केम रूंख का फल जो अंटे जोड़ हो स अर गोल भी हो स ) तें भी यु खेल खेल्या करदे | एक और खेल हो स अंटयाँ का जिह में पिल्ला कोणी होंदा बस एक गोल्धारा हो स |उह गोल धारे में पड़े होड़ अंटयाँ ने भी न्यू-ए खेल्या करें बस उह में पिल्लै आले अंटे जित्तन का मौका कोणी होंदा | गोल्घारे तें बहार आले अंटे परतियोगिता तें बहार माने जावेंगे |यु खेल जब घणे बालक हो जाँ अर एक की बजाय कई कई अंटे एक-एक जणा दवेगा जब खेल्या करें | अर इह की चाल भी घणी दूर तें चाली जाया करे ,लगभग १५ या २० फूट दूर तें |
    :rockwhen you found a key to success,some ideot change the lock,*******BREAK THE DOOR.
    हक़ मांगने से नहीं मिलता , छिना जाता हे |
    अहिंसा कमजोरों का हथियार हे |
    पगड़ी संभाल जट्टा |
    मौत नु आंगालियाँ पे नचांदे , ते आपां जाट कुहांदे |

  22. The Following 8 Users Say Thank You to ravinderjeet For This Useful Post:

    anilrana (August 10th, 2012), malikdeepak1 (August 10th, 2011), Moar (August 16th, 2011), ndalal (April 22nd, 2013), rajpaldular (June 21st, 2013), rameshlakra (August 31st, 2011), reenu (September 27th, 2012), sukhbirhooda (January 29th, 2013)

  23. #12
    भाईसाब, "बित्ती-डंडा" अर "खुलिया"(होकी बर्गा खेल होया करदा) भी खेल्या करदे!
    छोरी भी खेल्या करदी एक खेल "बीजो बांदरी" |
    करियो माड़ा सा खुलासा इनका भी |

  24. The Following 2 Users Say Thank You to malikdeepak1 For This Useful Post:

    ndalal (April 22nd, 2013), rajpaldular (June 21st, 2013)

  25. #13
    Quote Originally Posted by malikdeepak1 View Post
    भाईसाब, "बित्ती-डंडा" अर "खुलिया"(होकी बर्गा खेल होया करदा) भी खेल्या करदे!
    छोरी भी खेल्या करदी एक खेल "बीजो बांदरी" |
    करियो माड़ा सा खुलासा इनका भी |
    अर एक और होया करदा घुता गादडी , इसमें गोल च्घेरे बना के अपने अपने डोगे लेके अर एक गिंड बना क खेल्या करदे , एक बंदे म फोता आया करदा जिसकी घिंस बंधा करदी /
    चालना राही का, चाहे फेर क्यूं ना हो । बैठना भाइयाँ का, चाहे बैर क्यूं ना हो ।।




  26. The Following User Says Thank You to kuldeeppunia25 For This Useful Post:

    rajpaldular (June 21st, 2013)

  27. #14
    जोड़ में ईट टोना .

    इस खेल में जोड़ में 1 ईट बगा दिया करदे अर सारे उसने
    टोया करदे जो काड ले वो ए जीत गया .

  28. The Following 3 Users Say Thank You to Rajkamal For This Useful Post:

    rajpaldular (June 21st, 2013), rameshlakra (August 31st, 2011), sukhbirhooda (January 29th, 2013)

  29. #15
    Quote Originally Posted by malikdeepak1 View Post
    भाईसाब, "बित्ती-डंडा" अर "खुलिया"(होकी बर्गा खेल होया करदा) भी खेल्या करदे!
    छोरी भी खेल्या करदी एक खेल "बीजो बांदरी" |
    करियो माड़ा सा खुलासा इनका भी |

    भाई लीखन ते लागर्या सूं ये सारे भी ध्यान में सें |कम तें कम २० खेलाँ के बारे में तो में लिख दूंगा | पर बखत की कमी स ज्यां तें एक दिन में एक खेल के बारे में-ए लिख सकूँ सूं |
    :rockwhen you found a key to success,some ideot change the lock,*******BREAK THE DOOR.
    हक़ मांगने से नहीं मिलता , छिना जाता हे |
    अहिंसा कमजोरों का हथियार हे |
    पगड़ी संभाल जट्टा |
    मौत नु आंगालियाँ पे नचांदे , ते आपां जाट कुहांदे |

  30. The Following 2 Users Say Thank You to ravinderjeet For This Useful Post:

    rajpaldular (June 21st, 2013), sukhbirhooda (January 29th, 2013)

  31. #16
    Quote Originally Posted by Rajkamal View Post
    जोड़ में ईट टोना .

    इस खेल में जोड़ में 1 ईट बगा दिया करदे अर सारे उसने
    टोया करदे जो काड ले वो ए जीत गया .
    int ger ke bujhya karte. ya bahyu kiki ?
    ar geren aala kahya karta , ya bahu teri na tere baap ki ya se meri
    I always do the worst and hope for the best...:rock

  32. The Following 3 Users Say Thank You to nainsunil007 For This Useful Post:

    anilrana (August 10th, 2012), rajpaldular (June 21st, 2013), sukhbirhooda (January 29th, 2013)

  33. #17
    पोइयाँ
    खेल का नाम --इह खेल का नाम गोबर की पोई बंना के खेल्या करदे ज्यां तें पड्या स |
    खेल का सामान ---
    गोबर अर अंटा क: फेर कांकर |
    खेल का परकार :-
    यु खेल वय्क्तिपरक(इनडवीजुअल ) हो स ,सब आपणे -आपणे खातर खेल्या करें पोई (गोबर ) जित्तन खातर | यु खेल छोरी खेल्या करदी जो गोबर बटोल्या करदी | कई छोरियां बर्गे छोरे भी उन् की गेल खेल लिया करदे |
    काण -----
    -इह में किस्से के भी काण कोणी आया करे |
    बखत ---
    यु खेल साबत साल खेला जाया करदा किस्से भी बखत |
    नेम (नियम )--
    पहलम सारी छोरी एक-एक आन्द्ला गोबर साझे में कट्ठा करेंगी |कोए भी एक छोरी गोबर ने ओसन के अर लांबी सी एक कंध बना देगी अर लुकमा हथेली की ओट उह कंध में किते भी अनटा दाब दे गी | कंध बाणान आली छोरी ,जितनी छोरी खेल में शामिल सें उतनी-ए पोई बनावेगी | सारी छोरी एक-एक पोई ठा लेंगी, अर कंध बाणान आली सारयां में पाछे बची होड़ ठावेगी |जिह के भी वो अंटा लिक्डावेगा वो सारा गोबर उह छोरी का | फेर आगली पारी में भी न्यू-ए होवेगा अर गोल्धारे में बेठी आगली छोरी कंध बनावेगी |
    :rockwhen you found a key to success,some ideot change the lock,*******BREAK THE DOOR.
    हक़ मांगने से नहीं मिलता , छिना जाता हे |
    अहिंसा कमजोरों का हथियार हे |
    पगड़ी संभाल जट्टा |
    मौत नु आंगालियाँ पे नचांदे , ते आपां जाट कुहांदे |

  34. The Following 3 Users Say Thank You to ravinderjeet For This Useful Post:

    anilrana (August 10th, 2012), rajpaldular (June 21st, 2013), sukhbirhooda (January 29th, 2013)

  35. #18
    उंच नीच का पपड़ा
    खेल का नाम --इह खेल का नाम कच्चे अर पक्के में खेल्या करें ,पक्का उंचा अर कच्चा नीचा ज्यां तें पड्या स |
    खेल का सामान --- किम्मे भी नहीं |
    खेल का परकार :-
    यु खेल एक तरफ़ा हो स एक के काण आवेगी अर बाकी खेलेंगे |
    काण -----
    -
    इह में आइस -पाइस की ढाल ,आदया-पादद्या---------कह के ने काण दिया करें |
    बखत ---
    यु खेल गर्मियां की दोफारी में घणा खेल्या जाया करे किते गाल में छाँ सी में अर इह खेल के खेलनिए भी ८-१० साल की उम्र ताहि के-ए बालक होया करें |
    नेम (नियम )--
    जिह के काण आ ज्या वो भींत कानी मुंह कर के अर आंख्यां पे हाथ ला के खड्या हो जा गा |अर बाकी बालक गाल में खड़े हो ज्यां गे |काण आले के आखरी शब्द पे फेसला हो स अक खिलाड़ियां नु कित खड्या होणा स | ज्युकर वो कह्वेगा पक्का पापड ------------------उंच नीच का पापडा चूँ चां चप |इब्ब आखिर में पक्का पापड कही स तों सब ने पक्के पे खड्या होणा पडेगा | जो भी बन्दा कच्चे में थ्या गा काण उह के |काण आले ने उह के भाज के हाथ लाणा पडेगा कच्चे में-ए ,जा वो भाज के ने पक्के में चढ़ गा तों वो कोणी मान्या जा | फेर न्यू कह्वेगा "कच्चा पापड ,पक्का पापड ,कच्चा पापड ,पक्का पापड ------------------उंच नीच का पापडा चूँ चां चप |
    ज्युकर वो कह्वेगा कच्चा पापड ------------------उंच नीच का पापडा चूँ चां चप |तों सारे जाणे कच्चे में खड़े हो ज्यांगे |जो भी बन्दा पक्के में थ्या गा काण उह के |काण आले ने उह के भाज के हाथ लाणा पडेगा पक्के में-ए ,जा वो भाज के ने कच्चे में उतर ग्या हाथ लावण तें पहलम तों वो थाया कोणी मान्या जा |पक्का -- कोए भी ईंट ,पाथर ,चोंत्री ,फर्श वगेरा | कच्चा --- माट्टी आला कोए भी भाग गाल का |
    :rockwhen you found a key to success,some ideot change the lock,*******BREAK THE DOOR.
    हक़ मांगने से नहीं मिलता , छिना जाता हे |
    अहिंसा कमजोरों का हथियार हे |
    पगड़ी संभाल जट्टा |
    मौत नु आंगालियाँ पे नचांदे , ते आपां जाट कुहांदे |

  36. The Following 6 Users Say Thank You to ravinderjeet For This Useful Post:

    anilrana (August 10th, 2012), Moar (August 16th, 2011), rajpaldular (June 21st, 2013), rameshlakra (August 31st, 2011), reenu (September 27th, 2012), sukhbirhooda (January 29th, 2013)

  37. #19
    गिंडू हेर
    खेल का नाम --इह खेल का नाम गिंडू (गेंद ) ने घेर के ने लाया करें ज्यां तें पड्या स और किते किस्से और नाँ तें भी खेल्दे होंगे
    खेल का सामान --- एक खुलिया(देशी हाकी ) सब धोरे अर एक गिंडू |
    खेल का परकार :-
    यु खेल एक तरफ़ा हो स एक के काण आवेगी अर बाकी खेलेंगे |
    काण -----
    -
    इह में आइस -पाइस की ढाल ,आदया-पादद्या---------कह के ने काण दिया करें |
    बखत ---
    यु खेल गर्मियां की सुबह अर के चोमास्याँ में घणा खेल्या जाया करे |
    नेम (नियम )-- इह खेल में कितने भी बालक खेल सके सें | सब एक दुसरे तें चार-पांच मीटर की दुरी पे आपणा-आपणा पिल्ला (एक छोटा सा खडा धरती में )खोद ले गे | अर आपणी खुलिया नु उह में टिका लेंगे | जिह के काण आरी स वो गिंडू ने सब के बीचाले बगावेगा उप्पर ने उछाल के ने | अर जिह के धोरे पडेगा या लव: लागेगा वो-ए उह के टोरा मारेगा | इब्ब जा टोरा मारदी हाण उह का पिल्ला खाली हो जा स ,तो काण आला भाज के ने उह में आपणा पाँ धर दे गा | तो काण जिह का घर (पिल्ला ) खुस गा उह के आजा गी | अर ना ते वो उस गिंडू ने लेवण जा गा अर जित गिंडू पड्या स उड़े-तें-ए उह ने गिंडू बगाना पडेगा | जा टोरा घणा लाम्बा लाग गा तो सारे आपणे=आपणे पिल्ल्याँ नु छोड़ के ने आगे आ ज्यां गे अर उड़े तें-ए और दूर टोरा मारंगे | जितना दूर ले जाँगे उतनी-ए काण आले के काण तार्ण्नी मुस्किल हो जा गी | कई काण आले तेज भाजनिये छोरे उस दुरी का फेदा भी ठा लिया करें | क्यूंकि जा वो पिल्ल्याँ कानी भाज ले गा तो जिह का भी पिल्ला खाली थ्यागा वो उह में पाँ धर दे गा | अर काण उतर जा गी |कई कम भाजनिये अर छोटे बालक पदान कोणी जाया करें ,वे आपणे पिल्ल्याँ की रुखाली-उड़े-ए खड़े हो के करे जाँगे ,उहके भाजती हाण पिछडन का डर रहवे स |जा घंणी दूर जा के ने जा काण आला न्यू कह दे अक वो पादगा ( भुंडी ढाल हार माण लेणा ) ते फेर उह ने फेर पिल्ल्याँ धोरे तें-ए खेलान लाग्जांगे | अर जा हार ना माने ते कई बे २-२ किलोमीटर ताहि पदा दिया करदे |
    :rockwhen you found a key to success,some ideot change the lock,*******BREAK THE DOOR.
    हक़ मांगने से नहीं मिलता , छिना जाता हे |
    अहिंसा कमजोरों का हथियार हे |
    पगड़ी संभाल जट्टा |
    मौत नु आंगालियाँ पे नचांदे , ते आपां जाट कुहांदे |

  38. The Following 4 Users Say Thank You to ravinderjeet For This Useful Post:

    anilrana (August 10th, 2012), Moar (August 16th, 2011), rajpaldular (June 21st, 2013), sukhbirhooda (January 29th, 2013)

  39. #20

    Thumbs up @ Ravinderjeet Ji

    :rockकसुत्ता लट्ठ गैड़ दिया रै यु ताग्गा बणा के नै... जम्मा छा गे भाई जी ! :rock

  40. The Following User Says Thank You to Moar For This Useful Post:

    rajpaldular (June 21st, 2013)

Posting Permissions

  • You may not post new threads
  • You may not post replies
  • You may not post attachments
  • You may not edit your posts
  •