ल्भ्क-लितरा
आज की काण दी स ,हाइपर एक्टिव "रेखा तोमर" ( वर्तमान नाम ) के :-
फोटू ---- फोटू ते भाई/ भाण ( ज्यां तें कई भाइयां ने शक जाहिर कर लिया ) ने लाया कोणी , ऊँ भी वे-ए लुगाई फोटू लावें सें आजकाल जिन की उमर लिकड़ ली हो, बाकी आपणी इज्जत बनाएं राखण खातर इन् चीजां तें दूर-ए रह्वें सें |
लोगिन ---- बेरा नि लोगिन आस्ली स अक नकली ,कदे नाम बदल ले स ,कदे सिग्नेचर में और किम्मे नाम लिख दे स ,मन्ने ते दिग्भर्मित लागे स | कदे इह के सर में चोट लागी हो अर इह के भूल पड़गी हो ,अक या कुण स |
उद्घोषणा ----- उद घोषणा किम्मे स-ए कोणी , मेरे बीचार में या होणी चाहिए "आपणा नाम सफाचट ,आपणा काम सफाचट "|
कार्यकलाप ---- पहलम ते आंदे-ए १७ दिनां में ७०० पोस्ट दे मारी , जाणु ते जाटलैंड आले इहने पर पोस्ट पे आठ आन्ने देवें सें ( उह की ढाल , ज्युकर वे एड दिया करें "घर बेठे १५ हजार रूपये कमायें ,कंप्यूटर पर बट्टन दबाएँ " |
अर फेर इहने दो-तीन दिन में कई इनाम मिल गे ,आंडअण ने उह पे भी एक तागा चला दिया | इस्सा रोला ते सायना नहवाल ने भी ना मचाया ओलम्पिक मेडल मिलण का |
फेर इह की लिखी होड़ कोए बात समझ में नि आंदी अक या कहणा के चाहवे स ,में ते सपरे मानु सूं , अक कई भाई इह की पोस्टां ने पढ़ क्यूकर लवें सें ,चलो पढ़ भी लिया ते फेर समझ क्यूकर लेवें सें ,चलो समझ भी लिया ते फेर जबाब भी क्यूकर दे देवें सें बिना बात के | पर एक बात स अक इह में हिम्मत अर ज्ञान भोत भरया होगा, जिब्बे ते सब की पोस्टां पे इह धोरे लिखण ने किम्मे-ना किम्मे जरूर पावे स ,पर उह का मतलब बेरा ना खुद भी समझे स अक नि ,पर एक आछी बात स अक छोह में कोणी आंदी ,कईयाँ ने ते न्यू भी कही अक कदे उर्मिला वापस आ गी हो ,पर इह का बरताव देख ने ते लाग्दा कोणी , रेखा के बारे में कन्फर्म किम्मे भी नहीं कहया जा सकदा , सब किम्मे "राम्म्पम्म पोल---राम्म्पम्म पोल---राम्म्पम्म पोल--राम्म्पम्म पोल"| ----साद-भावनाओं सहित |