एक पहलवान बस मै जावै था, कंडैकटर था अपणा करमिंदर बरगा थोडा हलवा सा उसनै पूछ्या पहलवान
तै भाई टिकट ले ले
पहलवान - मै टिकट ना लिया करदा
कंडैकटर डर गया अक कदे फेर मांगी तै पधार दे कदे, आगले दिन फिर वोए पहलवान चढ लिया अर उसनै फेर बोल्या अक मै टिकट ना लिया करदा ! इबकेन कंडैकटर नै सोची अक मै भी इसकी तरिया तगडा बनूंगा अर फेर लयूंगा इसतै टिकट के पिसे ! कंडैकटर नै ६ मिहने जिम मारया अर आछा तगडा हो लिया तो फेर उसनै पहलवान तै पूछया अक ओ पहलवान टिकट ले ले
पहलवान फेर बोल्या अक मै टिकट ना लिया करदा
इबकेन कंडैकटर बोल्या अक कयूंना लिया करता
पहलवान बोल्या - मन्नै पास बणवा राखया सै जयांताई