Originally Posted by
SALURAM
बाड़मेर रे दौरे माथे राज्य रा मुख्य मंत्री जी वसुंधरा राजे घुमवा आया।
लारला दिना मोदीजी रो घर घर शौचालय बनावणो अभियान (स्वच्छ भारत) चाल्यो,
घर घर शौचालय बणा दो दिया पण उपयोग दूजो ही होवे हैं (इंयां भी गांव आला तो लोटा वास्ते खेत री बाड़ रो ओटो लेवे हैं),
भाखरो काको बकरिया बाँध्या करे, रामु काका अर धापुड़ी री काकी चारो भरने राखियोडो हो,
बरसात रे टाइम रे मायने शौचालय रो घणो री चौखो उपयोग उपयोग तो वगते काके लीनो हो बाजरी और मौठ मुंग री बोरियाँ सूं शौचालय फुल कर दिनों हो,
अबे गांव रे सरपंचो रो हेलो आयो के वसुंधरा आवे हैं अर सब घरां में शौचालय रो जायजो लेवेला तो गांव रा छोरा दौड़या घर घर खबर करवा,
दो चार छोरा वगते काके रे घरे गया अर बोल्या काका जल्दी से शौचालय ने खाली करो वसुंधरा आवे हैं ,
अब वगतो काके छोरा कने सूं सरपंचो ने फोन लगायो बोल्यो थांकी वसुंधरा ने तरड़्यों(दस्त) होयोड़ो हैं जो घरां घरां फिर ने शौचालिया खाली कराओं हो।